Зьмяіны цар
3110 / 3
30.01.2017

«Сямашка ды Кумпанія». Пазакляснае чытаньне

Праект «Віктар Сямашка ды Кумпанія» апублікаваў на Tuzin.fm альбом «Зьмяіны Цар», цалкам створаны на словы Максіма Багдановіча.

Пад імправізаваны акампанэмэнт гучаць як аўтарскія тэксты клясыка, так і яго пераклады Вэргарна ды Вэрлена. Некаторыя вершы падаюцца ў «рэміксаваным» выглядзе: чытаюцца ззаду наперад альбо з сыстэмна пераблытаным парадкам радкоў.

Віктар Сямашка прызнаецца: «Багдановіч мяне перасьледуе ўсё жыцьцё. Пачынаючы з таго, што я вучыўся ў менскай школе №40 яго імя. Ня ведаю, як цяпер, але раней у кабінэце беларускае мовы захоўвалася ў адмысловай скрыначцы зямля з магілы паэта. Нам яе дэманстравалі толькі аднойчы як вялікую рэліквію».

Першы сьпеўны цыкаль на вершы Максіма Багдановіча Віктар запісаў яшчэ ў 2004 годзе Новая праграма складаецца пераважна з мэлядэклямацыяў. Але прысутнічае й пара песень — «украінская» ды «гішпанская». Матэрыял запісваўся на канцэртах да 125-годзьдзя літаратара, што прайшлі ў Менску й Бярэзані (Менская вобласьць). Кумпанію Сямашку склалі Дзяніс Кудраўцаў (гітары + бубны), Фрыд Самотны (сакс), Максім Іўкін (фартэпіяна) ды іншыя.

«Большасьць кампазыцыяў стваралася акурат падчас выкананьня й падобна, што выконвалася ў першы й апошні раз. Спрабаваць паўтарыць іх у студыйных умовах ня мае сэнсу, будзе толькі горай. Дзякуй Богу, што застаўся хоць такі запіс на памяць», — мяркуе Віктар Сямашка.

Песьні на словы Максіма Багдановіча, у тым ліку ў выкананьні «Сямашкі і Кумпаніі» можна паслухаць на відэаканале «Вежа міру» на Youtube.

Tuzin.fm

КАМЕНТАРЫ:

  • Sasha 1880 / адказаць
    02.02.2017 / 13:17

    Неужели это кому-то интересно? Редкостное Говно!

  • Віктар Сямашка / адказаць
    02.02.2017 / 18:59

    Затое зь вялікае літары :)

  • Віктар Сямашка / адказаць
    07.02.2017 / 21:39

    http://jazzquad.ru/index.pl?act=PRODUCT&id=4620

  • КАМЕНТАВАЦЬ