У гіт-парад трапляюць песьні беларускіх музыкаў, запісаныя ў апошні год. Агулам зьбіраецца 12 удзельнікаў туру — г. зв. тузін. Разьмяшчэньне песьні ўзгадняецца з выканаўцамі (праваўладальнікамі). Музычны кірунак ролі ня грае, мова твору — беларуская.
Кожны тур гіт-параду цягнецца каля двух месяцаў. Пасьля падвядзеньня вынікаў галасаваньня, чарт абнаўляецца цалкам, і галасаваньне пачынаецца спачатку. Улетку праводзіцца мэгатур па вызначэньню найлепшага гіта, у якім удзельнічаюць усе песьні сэзону.
Песьня мусіць быць прадастаўлена ў добрай якасьці (не ніжэй за 192Kbs). Песьні ў абавязковым парадку запампоўваюцца на сэрвэр парталу TuzinFM.
Права прыняцьця канчатковага рашэньня аб уключэньні або неўключэньні ў гіт-парад песень, кліпаў і альбомаў рэдакцыя парталу пакідае за сабой.
Галоўнае патрабаваньне да ўдзельнікаў гіт-параду ды іх прыхільнікаў весьці шчырую барацьбу. Галасаваць можна зарэгістраваным на сайце карыстальнікам, а таксама зайшоўшы ў свой акаўнт у сацыяльнай сетцы (Facebook, «УКантакце») адзін раз на суткі, абіраючы адну, дзьве або тры песьні.
Чысьціня
У альбомным чарце на TuzinFM бярэ ўдзел дэбютны EP гурта Skroz «Чысьцiня». Эпіграфам да яго музыкі паставілі цытату з Альбэра Камю: «Але ж гэта выдатна кахаць і жыць у чысьціні свайго сэрца».
Сармацкі рок
Народны ансамбаль Беларусі з 27-гадовай гісторыяй «Тутэйшая шляхта» выдаў альбом «Сармацкі рок», у які акром апрацовак народных сьпеваў увайшлі песьні на словы Паўлюка Труса, Уладзіслава Сыракомлі і Францішкі Ўршулі Радзівіл.
Себякин грядёт
Праект Дзяніса Трусава перабазаваўся з Гародні ў Ханой, што знайшло сваё адлюстраваньне на новым альбоме, у запісе якога ўзялі ўдзел в’етнамскія музыкі з народнымі інструмэнтамі.
Piano Concert I
На баўгарскім сеціўным лэйбле Mahorka апублікаваны новы альбом менскага авант-джазавага ансамблю «Фантастычныя плыўцы», які на дадзеным рэлізе ўяўляе зь сябе суполку піяністаў.
Цяпло
У альбомным чарце на TuzinFM возьме ўдзел дэбютны альбом пераможцаў фэстывалю «Басовішча 2011» – гурта Yellow Power.
Грустные песни
Сьпявачка Паліна Рэспубліка, якая цяпер падпісваецца проста Palina, прэзэнтавала новы альбом «Грустные песни». У яго ўвайшлі творы на беларускай і расейскай мовах, што былі напісаныя цягам апошніх трох гадоў.
Сигналы
Гурт «Сразу май» прэзэнтаваў новы альбом «Сигналы», у які ўвайшлі 10 новых твораў гурта, у тым ліку на беларускай мове.
Нас у Маскве не зразумеюць
У альбомным чарце на TuzinFM бярэ ўдзел супольны музычны праект «Нас у Маскве не зразумеюць», прэзэнтацыя якога адбылася на тэлеканале «Белсат» у навагоднюю ноч.
V
Гурт Akute возьме ўдзел у альбомным чарце на TuzinFM з альбомам «V», у якім дэманструе сваё новае гучаньне.
Паддон
«Віктар Сямашка ды Кумпанія» прэзэнтуюць у альбомным чарце на TuzinFM свой новы канцэртны альбом «Паддон», у запісе якога ўзялі ўдзел былыя ўдзельнікі гурту TonqiXod і брытанскі саксафаніст.
Школа жыцьця
Экспэрымэнтальна-электрычны праект віцебскага музыкі Міхаіла Рубіна прэзэнтуе на TuzinFM свой дэбютны альбом «Школа жыцьця», цалкам напісаны на вершы Віктара Жыбуля і Веры Бурлак.