Сеяць вецер
9646 / 28
27.10.2015

Ян Маўзэр. Сейбітам ветру (прэм’ера!)

Праект Яна Маўзэра «Мама» прэзэнтуе на Tuzin.fm новы трэк — «Сеяць вецер». Аўтарскі пасыл з нагоды прэм’еры.

Калі надыходзіць старасьць? У 60, 70? Ці тады, калі зьнікаюць сілы для барацьбы? Бачу цяпер брата майго беларуса, які крывіцца й саркастычна ўсьміхаецца, дастае з найбліжэйшай палічкі мозгу слова «змагар». Добрае слова, моцнае, ім так прыемна троліць. Глупыя-глупыя сьмешныя агідныя змагары. Гэтым словам зручна апраўдваць уласную ляноту, пасіўнасьць, баязьлівасьць. А таксама ўласнае нешырокае кола цікавасьцяў, якое сканчаецца на «клюб-пабухаць-пая..ацца». Ці парадыгма «сям’я, кухня, царква» — для тых, хто вырашыў перастаць курамесіць.

«Сядзеў бы лепей дома, глядзеў парнуху», — даваў мне парады лейтэнант у пастарунку. Такая вось грамадзянская пазыцыя супрацоўніка міліцыі. Такая вось грамадзянская пазыцыя маіх братоў-беларусаў.

Але я не пра іх. Не пра пасіўную разумную большасьць. А пра нас. Наіўных змагароў, якія як костка ў горле, як аплявуха старым з маленства прыхільнікам стабільнасьці. Прыхільнікам незадаваньня пытаньняў, прыхільнікам «ня лезьці, куды ня трэба».

Нас менш, але мы мацнейшыя, мы пасыянарыі. І мы заўсёды перамагаем, інакш бы Зямля дагэтуль была ў стабільным каменным веку.

Ян Маўзэр, для Tuzin.fm

Сяргей Нікалайчанка — гітара
Уладзімер Развадоўскі — бас
Арцём Крышчановіч — барабаны
Уладзімер Селядцоў — кл
явішы, запіс, зьвядзеньне, майстарынг
Ян Маўзэр — голас

Мама — Сеяць вецер (музыка і словы Яна Маўзэра). Зьмяшчаецца са згоды выканаўцы.

 

Колькі б нас ні зьбівалі з ног,

Мы будзем падымацца з кален.

Павесьце на нас замок,

Выпіце з нашых вен.


Нашыя сёстры Паслухмянасьць і Страх

Вучаць нас мудрасьці любіць цень,

Але ўжо сьвежай рукою скразьняк

Кранаецца нашых цел.


Мы — дзеці чужых перамог —

Нам неба закрыла столь,

Наш голас падобны на стогн,

Мы добра ведаем боль.

Мама, мы прайшлі сто тысяч дарог,

Мама, мы вырасьлі з тваіх сьцен.

Мама, выганяй нас за парог

Сеяць вецер.


Нашыя сёстры Паслухмянасьць і Страх

Вучаць нас правілу згорбленых сьпін,

Правілам шэпту ў гарадах

Краіны бяз добрых надзей і кепскіх навін.

КАМЕНТАРЫ:

  • Аляксей / адказаць
    27.10.2015 / 11:32

    Кали ўжо альбом выйдзе?)

  • Jan Mauzer
    Jan Mauzer / адказаць
    27.10.2015 / 12:09

    Вось гэтага я ня ведаю) Зараз неальбомныя часы, хоць я й сам люблю альбомы.

  • Никитка Карпук
    Никитка Карпук / адказаць
    27.10.2015 / 12:34

    Дзякуй за новую цікавую песню! Але мы сапраўды чакаем новы альбом !

  • Jan Mauzer
    Jan Mauzer / адказаць
    27.10.2015 / 12:46

    З нашымі тэмпамі: 5 год і оооп! Альбом)

  • Саша Шшшшш
    Саша Шшшшш / адказаць
    27.10.2015 / 12:55

    Музыка нечым нагадвае Super Besse.

  • Jan Mauzer
    Jan Mauzer / адказаць
    28.10.2015 / 10:36

    Клавішамі) Ўі лайк олдскульныя сэмплы.

  • Asya Paniutsich
    Asya Paniutsich / адказаць
    27.10.2015 / 21:17

    БОМБА

  • Белочь Стрелочь
    Белочь Стрелочь / адказаць
    27.10.2015 / 23:04

    Бюджэтны Вiктар Цой

  • Jan Mauzer
    Jan Mauzer / адказаць
    28.10.2015 / 10:15

    Дзякуй за ўвагу да нашай творчасьці) Для адукацыі:
    The Smiths – Barbarism Begins At Home

  • Яўген / адказаць
    28.10.2015 / 11:19

    мне как бы песня нравится и идея, но это Цой полюбасу...

  • Jan Mauzer
    Jan Mauzer / адказаць
    28.10.2015 / 14:02

    Не Аліса ці Тэлевізар, ці The Cure?)

  • Яўген / адказаць
    28.10.2015 / 14:28

    нет...больше Акутэ, Майтай и Цой

  • Jan Mauzer
    Jan Mauzer / адказаць
    28.10.2015 / 15:14

    Можна праводзіць галасаваньне) Былі яшчэ вэрсіі "Танцы мінус")

  • Яўген / адказаць
    28.10.2015 / 15:37

    ну если Цо

  • Яўген / адказаць
    28.10.2015 / 15:38

    (случанайно соскачило) ну если сравнение с Цоем можно считать комплиментом..то Танцы Минус это вообще печально(

  • Jan Mauzer
    Jan Mauzer / адказаць
    28.10.2015 / 16:03

    Нехта традыцыйна павінен пачуць тут KoЯn) Чакаем. Нам любая ўвага прыемная)

  • Денис / адказаць
    29.10.2015 / 23:00

    конечно не то чего ждали,но все равно спасибо! писали тут ранее про концерт этой осенью... эх.

  • Jan Mauzer
    Jan Mauzer / адказаць
    30.10.2015 / 11:22

    Думаў, што пасьпеем нешта зрабіць да восені, але паколькі я ня сольны выканаўца, то колькасьць форсмажораў памнажаецца на 5)

  • 12tuzin@gmail.com / адказаць
    30.10.2015 / 11:52

    Віншуем Яна з днём нараджэньня!

  • Jan Mauzer
    Jan Mauzer / адказаць
    30.10.2015 / 11:54

    Дзякуй, дарагія)

  • Лёкса Кузьмін
    Лёкса Кузьмін / адказаць
    03.11.2015 / 17:16

    Дзякуй, годны твор. Такая музыка, а галоўнае тэкст нам патрэбныя.

  • Jan Mauzer
    Jan Mauzer / адказаць
    04.11.2015 / 10:22

    Дзякуй, што мы на адной хвалі)

  • Сергей Николайченко
    Сергей Николайченко / адказаць
    26.11.2015 / 13:24

    Як гітарыст МАМА, магу канстатаваць, што мы спрабавалі розныя аранжыроўкі на гэтую песьню, але нью-вэйв (ці, як вы кажаце, Цой), падаўся найбольш удалым спосабам перадаць нэрв кампазыцыі)

  • Jan Mauzer
    Jan Mauzer / адказаць
    28.11.2015 / 13:34

    Дзякуй за Вашае тлумачэньне, маэстра)

  • Наталья Вострикова
    Наталья Вострикова / адказаць
    28.11.2015 / 16:16

    Пробирает до дрожи!!!! Давно ничего стоящего не было слышно в стиле нью-вейв.

  • Милаша / адказаць
    17.02.2016 / 22:39

    Ты как всегда на высоте!)

  • Максім / адказаць
    27.02.2016 / 09:30

    Дзякуй, хлопцы! Ваша справа патрэбная.

  • АЛЕКСАНДР ИВАШКА
    АЛЕКСАНДР ИВАШКА / адказаць
    12.08.2016 / 15:24

    Не такая должна быть абыякавая интонация,не такая дожна быть музыка попсовая(

  • КАМЕНТАВАЦЬ