Небасхіл
2136 / 2
07.10.2016

«Сразу май». Эмоцыі перадусім! (аўдыё)

Берасьцейскі гурт «Сразу май» прэзэнтуе ў аўдыёчарце на Tuzin.fm песьню «Небасхіл», які можа стаць іх галоўным гітом.

Аўтар песень і вакаліст гурта Сяргей Стэцюк кажа, што ён ня можа прадказаць на якой мове ў яго зьявіцца песьня. «Небасхіл» вось прыйшоў па-беларуску. «Гэты твор складаецца з эмоцыяў чалавека, які адчувае нейкую неверагодную патрэбу ў існаваньні побач зь іншым і дыхаць зь ім адным паветрам», — так прадстаўляе песьню Сяргей. «Сразу май» мае яшчэ колькі твораў на сваёй мове — ёсьць у музыкаў яшчэ песьня «Шчасьце» ў акустычным варыянце і некалькі тэкстаў у чарнавіках.

«Сразу май» заяўляе, што ў музычным пляне ня мае мэты вынаходзіць ровар, гурт імкнецца дзяліцца сваімі думкамі ды не замыкаецца ў жанравых межах. «Але цяжкасьць, злосьць і агрэсія — гэта не пра нас!» — папярэджваюць музыкі. Сачыць за навінамі берасьцейцаў можна праз афіцыйную суполку.

Паслухаць на Soundcloud

Сразу май — Небасхіл (музыка і словы Сяргея Стэцюка). Зьмяшчаецца са згоды выканаўцы.

Tuzin.fm

Схавай мяне за свае краты,

Я ўжо даўно цябе ня варты.

Ня варты дзён, ня варты ночы,

Рабі са мной усё, што хочаш.

 

Прыпеў:

Дыхаем адзінымі

Паўтары гадзінамі,

Так, здараецца, падаем.

Адчувай адлегласьці

Нашай незалежнасьці,

Так, і часам мы ўзгадваем,

Як рушым разам мы за небасхіл.

 

І згусткі слоў кідаў на вецер,

Здаровы сэнс прымаў за сьмецьце.

А люты доўжыцца бясконца,

Бяжым хутчэй бліжэй да сонца.

КАМЕНТАРЫ:

  • Андрэй Філіпчык
    Андрэй Філіпчык / адказаць
    07.10.2016 / 13:03

    Круцейшая песня! Залік хлопцам!

  • 12tuzin@gmail.com / адказаць
    13.10.2016 / 13:10

    І нам падабаецца, выдатна атрымалася. Чакайце яе ў чарце.

  • КАМЕНТАВАЦЬ