8716 / 1
16.01.2017

Pauline. Адчуй сябе мэлянхолікам

Пасьля двух гадоў працы гурт Pauline прэзэнтуе свой першы альбом, які атрымаў назву «Адчувай».

Для музыкаў гэты альбом свайго кшталту выніковая рыса, якая скончыць адзін этап ў разьвіцьці гурта і дасьць магчымасьць пачаць новы, зусім іншы. Як заўважае аўтарка песень і вакалістка каманды Паліна Цімохіна, праца «Адчувай» увабрала ў сябе ў большасьці лірычныя і мэлянхалічныя творы. Усё гэта гісторыі чалавека тонкага, шчырага, ранімага, які можа нават дзесьці заблытаўся, але ў той жа час моцнага, які заўсёды беражліва захоўвае надзею на нешта лепшае. На думку Паліны іх музыку робіць цікавай і прыцягальнай спалучэньне на першы погляд неспалучальнага. У яе творах знаходзяць сваё адлюстраваньне каханьне і нянавісьць, жорсткасьць і пяшчота, рэальнасьць і мары, рамантыка і смутак.

Дэбютны альбом уключае ў сябе значныя для творчай гісторыі гурта песьні: «Пачакай» і «Цябе», над якімі працавалі Даніель Перцаў, Андрэй Баброўка і Павал Трацяк, а таксама песьня на словы беларускай паэткі Ірыны Багдановіч «Людзі, дзе вы?», якая перамагла ў конкурсе «Засьпявай 3.0» у намінацыі «Сьпяваная паэзія».

Tuzin.fm

КАМЕНТАРЫ:

  • 12tuzin@gmail.com / адказаць
    16.01.2017 / 17:37

    Жывая прэзэнтацыя альбому адбудзецца 22 студзеня ў менскім клюбе TNT, 20:00.

  • КАМЕНТАВАЦЬ