Зіма
1216 / 0
25.01.2017

NGe. «Зіма», якая захапляе (аўдыё)

У сёмым туры аўдыёчарту на Tuzin.fm гурт NGe прэзэнтуе песьню «Зіма», у якой музыкі імкнуцца закрануць увесь дыяпазон эмоцыяў.

«Хацелася зрабіць так, каб наша „Зіма“ захапіла слухача, таму мы збудавалі песьню на рэзкім кантрасьце паміж часткамі. Яна жорсткая і адначасова мэлядычная. Нам здаецца яна зачэпіць сваёй энэргетыкаю, бо кранае ўвесь дыяпазон эмоцыяў», — кажа аўтарка кампазыцыі, вакалістка NGe Вольга Баразна.

«Зіма» ўвайшла ў дэбютны альбом «Мы», які пабачыў сьвет у 2016 годзе. Гэты дыск атрымаўся стылістычна разнастайным, дзякуючы сумесі жывой эмацыйнай музыкі і рытмічнай электроннай, нават экспэрымэнтальнай. На днях музыкі прэзэнтавалі таксама на Tuzin.fm кліп на песьню «Толькі мы». Сачыць за навінамі гурту можна праз афіцыйную суполку.

NGe — Зіма (музыка і словы Вольгі Баразны). Зьмяшчаецца са згоды выканаўцы.

 

Сухі пацалунак ветру

Непрыемна хвалюе,

Робіць маленькай мяне.

 

Ён лічыў кілямэтры,

Каб у час апынуцца

Холадам па маёй сьпіне.

 

Я толькі заўважыла

У горад прыйшла зіма.

 

І раптам навокал усё разбураецца.

І ноч ужо болей на дзень не зьмяняецца.

 

Самазваныя белыя кветкі

Прарастаюць скрозь шыбу,

Колюць далоні мае.

 

Выпадковыя сьведкі

Назіраем за імі,

Нібыта іх не існуе.

 

Мы толькі заўважылі

У горад прыйшла зіма.

 

І раптам навокал усё разбураецца.

І ноч ужо болей на дзень не зьмяняецца.