У гіт-парад трапляюць песьні беларускіх музыкаў, запісаныя ў апошні год. Агулам зьбіраецца 12 удзельнікаў туру — г. зв. тузін. Разьмяшчэньне песьні ўзгадняецца з выканаўцамі (праваўладальнікамі). Музычны кірунак ролі ня грае, мова твору — беларуская.
Кожны тур гіт-параду цягнецца каля двух месяцаў. Пасьля падвядзеньня вынікаў галасаваньня, чарт абнаўляецца цалкам, і галасаваньне пачынаецца спачатку. Улетку праводзіцца мэгатур па вызначэньню найлепшага гіта, у якім удзельнічаюць усе песьні сэзону.
Песьня мусіць быць прадастаўлена ў добрай якасьці (не ніжэй за 192Kbs). Песьні ў абавязковым парадку запампоўваюцца на сэрвэр парталу TuzinFM.
Права прыняцьця канчатковага рашэньня аб уключэньні або неўключэньні ў гіт-парад песень, кліпаў і альбомаў рэдакцыя парталу пакідае за сабой.
Галоўнае патрабаваньне да ўдзельнікаў гіт-параду ды іх прыхільнікаў весьці шчырую барацьбу. Галасаваць можна зарэгістраваным на сайце карыстальнікам, а таксама зайшоўшы ў свой акаўнт у сацыяльнай сетцы (Facebook, «УКантакце») адзін раз на суткі, абіраючы адну, дзьве або тры песьні.
Цыганка
У відэачарце на TuzinFM возьме ўдзел кліп «Цыганка», галоўны трэк з дэбютнага альбому Gleboki Smak. Выканаўца выступіў і рэжысэрам роліка.
Магільшчык
Lesley Knife выступіў рэжысэрам кліпа 14-гадовай сьпявачкі Ўльляны Паўловіч на няпростую песьню – «Магільшчык», пераасэнсаваньне твору Dave Matthews Band, які ў беларускай вэрсіі прысьвечаны Яўгеніі Пфляўмбаўм, Эміліі Плятэр і Ларысе Геніюш.
Трэба сьпяшацца
Свой новы кліп дуэт laudans зьняў на закінутым нямецкім заводзе з думкаю пра Курапаты.
Рыбанька
Гурт Recha зьняў кліп на новую песьню «Рыбанька», якую называе хмяльным антыматывацыйным фанкам.
Човен
Кліп на песьню «Човен» складаецца з малюнкаў мастачкі Елізаветы Ганчаровай. Лявон кажа, што ў яе атрымалася намаляваць цэлы новы сусьвет.
Дзіўна
У новым туры відэачарту на TuzinFM возьме ўдзел другі кліп праекту Atesta, дзе саліруе 14-гадовая сьпявачка Ўльляна Паўловіч.
Вандроўнік
Гурт Adliga прэзэнтуе ў відэачарце на TuzinFM кліп на сваю дэбютную кампазыцыю «Вандроўнік». Гэтая праца стала дэбютам і для рэжысэра Андрэя Перасьмешніка.
Анёл
Гурт BarRokka прэзэнтуе ў новым туры відэачарту кліп на песьню «Анёл», які зьняла рэжысэрка Аляксандра Сяглюк.
Дзед Барадзед
Гурт «Дом сувязі» прэзэнтуе дэбютны кліп на песьню пра Дзеда Барадзеда, якая лідзіруе ў вясновым аўдыёчарце на TuzinFM.
Хмаркі
Кліп на песьню электра-фольк-праекту распавядае пра лёс трансгендарнай дзяўчыны і прысьвячаецца памяці Мішы Пішчэўскага, які быў зьбіты на глебе гамафобіі і памёр.