Халодны блюз
3851 / 3
28.04.2015

«Верасень». Першы беларускі кліп у стымпанк-стылістыцы (відэа)

Гурт Вольгі Акуліч прадстаўляе на Tuzin.fm кліп «Халодны блюз» рэжысэркі Насты Докшынай, аналягаў якому няма ў беларускай прасторы.

Аўтарка песьні «Халодны блюз» Вольга Акуліч прызнаецца, што ніяк ня ўмешвалася ў творчы працэс і наогул пабачыла кліп толькі на стадыі 90-працэнтнай гатоўнасьці. Працу выканала студэнтка 5 курсу Акадэміі мастацтваў Анастасія Докшына і яе вынік проста зачараваў удзельнікаў гурта «Верасень». «Мне вельмі спадабалася тое, што атрымалася. І мне хочацца, каб гэтую работу ўбачылі людзі. Ня столькі як рэкляму мне і гурту, колькі мілую і сымпатычную казку Насты», — кажа Вольга. У відэа «Халодны блюз» можна знайсьці і матывы зь вядомых казак, і адсылкі да рамантычнай атмасфэры стымпанку — перад намі самастойная ўнікальная праца, тонкая і асацыятыўная. Фактычна гэта першы ўзор гэтага стылю ў нашай культурнай прасторы. «Верасень» якраз актыўна ўдзельнічае ў беларускім стымпанк-руху.

Праца ўжо атрымала прызнаньне — на фэсьце аматараў фантастыкі ў Менску «Юнікон-2015» яно было прызнанае пераможцам у конкурсе фантастычнага відэа.

За навінамі Вольгі Акуліч і гурта «Верасень» можна сачыць праз афіцыйную суполку і сайт. Паралельна з гуртом Вольга запачаткавала акустычны праект з гітарыстам Андрэем Вайцэхоўскім.

Верасень — Халодны блюз (рэжысэр Наста Докшына). Зьмяшчаецца са згоды выканаўцы.

Tuzin.fm

КАМЕНТАРЫ:

  • Red Label Design ) / адказаць
    29.04.2015 / 16:38

    Вы сур'ёзна? Сьцім-панк? ))) Тры шасьцярні ў бэкграўндзе - тое па-вашаму сьцім-панк? Не сьмяшыце пчол. Прымітыўна. І да сьцім-панку як да Кіева...

  • RWD / адказаць
    01.05.2015 / 18:53

    А «Тры янгалы» як жа?

  • Сергей Гайко / адказаць
    04.05.2015 / 22:58

    Уважаемый Red Label, стим может быть не каноническим, и уж точно не таким, каким Вам его удобно представлять. В данном случае - мультяшная фантазия с элементами стимпанка, которая вполне имеет право на жизнь. Главное в данном случае не точное соответствие какому-либо стилю, а гармоничное сочетание видео и аудио. Говорю как стимпанкер со стажем. У нас почему-то считается, что достаточно надеть картонный цилиндр, гогглы и китайский корсет - и все, стимпанк! Э, нет, шире надо смотреть!

  • КАМЕНТАВАЦЬ