Haina: «Нам няма з каго браць прыклад, бо такіх гуртоў не існуе» (аўдыё/відэа)
1682 / 2
14.12.2015

Haina: «Нам няма з каго браць прыклад, бо такіх гуртоў не існуе» (аўдыё/відэа)

Рок-трыё зь Менску з баяністам Ільлём Паплёўкам на чале выдала дэбютны альбом «Прыцягненьне».

Гэты гурт унікальны тым, што выконвае рок-музыку, але пры гэтым не выкарыстоўвае гітары. З дапамогай баяну, скрыпкі ды бубнаў музыкі запісалі 11 трэкаў для свайго дэбютнага альбому (да гэтага быў выдадзены яшчэ міні-альбом «Мішэні»). Haina атрымала магчымасьць папрацаваць 50 гадзінаў на студыі «Осмос» у якасьці прызу за перамогу ў намінацыі «Дэбют-2014» на прэміі «Даём рады», якую ладзіць «Еўрарадыё». І вынікам засталіся задаволеныя. «Відавочна, музычны шлях, што мы выбралі — ня з самых простых. Наша ідэя вымагае бясконцага самаўдасканаленьня і разьвіцьця. Па сутнасьці, браць прыклад нам няма з каго, бо такіх гуртоў больш не існуе», — заявіў лідэр каманды Ільля Паплёўка ў камэнтары для Tuzin.fm.

Музыка называе альбом «Прыцягненьне» падагульненьнем ужо зробленага і мастком у будучыню. «Па шчырасьці, калі мы толькі пачыналі выступаць, ня мелі аніякага пляну дзеяньняў ды наогул не былі пэўнымі, што ў нас нешта атрымаецца. Цяпер у нас упэўненасьці паболела і мы сасьпелі ўжо для вялікіх канцэртаў», — кажа Ільля.

Прэзэнтаваць альбом ужывую музыкі плянуюць на пачатку 2016 году. Сачыце за афішаю на Tuzin.fm.

 Tuzin.fm, фота з афіцыйнай суполкі гурта

КАМЕНТАРЫ:

  • Прохор Мефодиев
    Прохор Мефодиев / адказаць
    23.12.2015 / 02:41

    Паважаныя музыкі, а якім чынам вы запісвалі басовую партыю? Здаецца гэта не бас-гітара гучыць.

  • Сергей Башлыкевич
    Сергей Башлыкевич / адказаць
    24.12.2015 / 17:08

    Выкарыстоўваўся адмысловы дадатковы мікрафон унутры баяна для запісу басовай партыі. Неяк так, падаецце, Ільля распавядаў.

  • КАМЕНТАВАЦЬ