У гіт-парад трапляюць альбомы беларускіх музыкаў, запісаныя ў апошні год. Агулам зьбіраецца 12 удзельнікаў туру - г.зв. тузін. Удзельнічаюць альбомы беларускамоўных (часткова беларускамоўных) выканаўцаў, а таксама канцэптуальныя складанкі песень, выдадзеныя за гэты час. З 2019 году разглядаюцца таксама міні-альбомы з 4-7 трэкаў, EP.
Кожны тур гіт-параду цягнецца каля трох месяцаў і адпавядае пары году (восень, зіма, вясна). Пасьля падвядзеньня вынікаў галасаваньня, чарт абнаўляецца цалкам, і галасаваньне пачынаецца спачатку. Улетку праводзіцца мэгатур па вызначэньню найлепшага альбому, у якім удзельнічаюць усе рэлізы сэзону.
Права прыняцьця канчатковага рашэньня аб уключэньні або неўключэньні ў гіт-парад альбомаў на TuzinFM рэдакцыя парталу пакідае за сабой.
Галоўнае патрабаваньне да ўдзельнікаў гіт-параду ды іх прыхільнікаў весьці шчырую барацьбу. Галасаваць можна зарэгістраваным на сайце карыстальнікам, а таксама зайшоўшы ў свой акаўнт ў сацыяльнай сетцы (Facebook, УКантакце) адзін раз на суткі, абіраючы адзін, два або тры альбомы.
Продолжение
Беларускі дзяржаўны ансамбль «Песьняры» выдаў новы альбом «Продолжение», выхад якога прысьвечаны 15-годзьдзю сучаснага складу калектыва.
Всё ещё
Віртуальны беларускі супэргурт «Апотом» прэзэнтаваў свой трэці дыск «Всё ещё», у які ўвайшоў беларускамоўны гіт «Пінокіё».
Zero Nero
«Віктар Сямашка ды Кумпанія» прэзэнтуе ў альбомным чарце працу «Zero Nero», заснаваную на паэзіі лідэра праекту ды Ўладзя Лянкевіча і на спантаннай калектыўнай імправізацыі.
Музыка эпохі барока і папулярная клясыка ў выкананьні на цымбалах
На TuzinFM прэм’ера двайнога альбому, у якім творы Баха, Бэтговэна, Шубэрта, Шапэна, Вівальдзі загучалі ў суправаджэньні цымбалаў Юліі Глебавай.
Маяк
Гурт «Без билета» запісаў сёмы студыйны альбом «Маяк», у які ў тым ліку ўвайшлі беларускамоўныя кампазыцыі.
#коджыцьця
У альбомным чарце на TuzinFM возьме ўдзел шосты нумарны дыск ад некалі бярозаўскага, а цяпер менскага гурта :B:N:, які фіксуе цяперашні стан музыкаў.
Enighet Ensamhet
Праект Buben Naruszewicz Baisan прэзэнтуе ў новым сэзоне альбомнага чарту на TuzinFM свой другі альбом «Enighet Ensamhet», у якім электронна-джазавыя экспэрымэнты спалучыліся з паэзіяй.
Icarus Messerschmitt
У першым туры альбомнага чарту ў сэзоне 2018/2019 на TuzinFM бярэ ўдзел альбом «Icarus Messerschmitt» ад экспэрымэнтальнага праекту Autonomicon.
Марсаў дзень
Праект «Сямашка ды Кумпанія» прэзэнтуе ў альбомным чарце на TuzinFM альбом «Марсаў дзень», які быў запісаны ў менскім музэі Азгура і выдадзены на бэльгійскім нэт-лэйбле Tape Safe.
Беларускі альбом
Расейская сьпявачка настолькі ўразілася гучаньнем беларускай мовы, што вырашыла запісаць на ёй цэлую праграму. «Беларускі альбом» Мілы Ражковай возьме ўдзел у першым туры альбомнага чарту на TuzinFM у сэзоне 2018/2019.