У гіт-парад трапляюць альбомы беларускіх музыкаў, запісаныя ў апошні год. Агулам зьбіраецца 12 удзельнікаў туру - г.зв. тузін. Удзельнічаюць альбомы беларускамоўных (часткова беларускамоўных) выканаўцаў, а таксама канцэптуальныя складанкі песень, выдадзеныя за гэты час. З 2019 году разглядаюцца таксама міні-альбомы з 4-7 трэкаў, EP.

Кожны тур гіт-параду цягнецца каля трох месяцаў і адпавядае пары году (восень, зіма, вясна). Пасьля падвядзеньня вынікаў галасаваньня, чарт абнаўляецца цалкам, і галасаваньне пачынаецца спачатку. Улетку праводзіцца мэгатур па вызначэньню найлепшага альбому, у якім удзельнічаюць усе рэлізы сэзону. 

Права прыняцьця канчатковага рашэньня аб уключэньні або неўключэньні ў гіт-парад альбомаў на TuzinFM рэдакцыя парталу пакідае за сабой.

Галоўнае патрабаваньне да ўдзельнікаў гіт-параду ды іх прыхільнікаў весьці шчырую барацьбу. Галасаваць можна зарэгістраваным на сайце карыстальнікам, а таксама зайшоўшы ў свой акаўнт ў сацыяльнай сетцы (Facebook, УКантакце) адзін раз на суткі, абіраючы адзін, два або тры альбомы.

11373 / 1
21.07.2014
Гарадзенскі гармідар

Гарадзенскі гармідар

На беларускай сцэне паўстала каманда-зьява. Гарадзенскія панкі селі на танкі, каб адукаваць цяперашнюю моладзь.

Тэгi: Dzieciuki
5134 / 0
07.07.2014
Аграмэгаполіс

Аграмэгаполіс

žygimont VAZA дапісаў сваю гісторыю пра краіну страчаных магчымасьцяў і спыненага часу.

7943 / 4
23.06.2014
Reaĺnaść i sny

Reaĺnaść i sny

Новы альбом «Рэальнасьць і сны» добра ілюструе адыход беларускай незалежнай музыкі ад праблемаў надзённых, у ім нават прапануецца гіпстэрскае прачытаньне твораў з клясыкі беларускага року.

5618 / 0
09.06.2014
Дзень Незалежнасьці

Дзень Незалежнасьці

Альбом пад назвай «Дзень Незалежнасьці» запісала творча сасьпелая каманда, якая сапраўды мае што прапанаваць гэтаму сьвету.

10333 / 1
04.06.2014
Грамадазнаўства

Грамадазнаўства

Жартачкі ўбок: пасьля няўцямных сольных «Куплетаў і прыпеваў», працы «Саўка і Грышка», што да музыкі ня мела аніякага дачыненьня, ды перапевак-пераробак «Драбадзі-драбада» і «Белая яблыня грому» Вольскі ўрэшце запісаў альбом-падзею. Альбом, якога ад яго чакалі з часоў «Дома культуры» N.R.M.

4501 / 2
30.05.2014
Pieranačuješ — bolš pačuješ

Pieranačuješ — bolš pačuješ

Пераможцы «Басовішча-2008» выявілі надзвычайную прагу да творчасьці. Пасьля выхаду дэбютніка «Блін першы» пра гурт Tlusta Lusta і думаць забылі, але яны вярнуліся ў музычную прастору праз чатыры гады маўчаньня з новым альбомам.

4397 / 0
29.05.2014
Ірляндзкія матывы

Ірляндзкія матывы

Ірляндцы і беларусы — братэрскія народы, не іначай. «Ірляндзкія матывы» Алеся Камоцкага якраз пра гэта сьведчаць.

7961 / 0
28.04.2014
Сыны старадаўняй Літвы

Сыны старадаўняй Літвы

Гераічныя песьні ірляндцаў загучалі зь беларускім калярытам. Голас «Старога Ольсы» Алесь Чумакоў запісаў з сваім праектам Ceilidh Ceol альбом «Сыны старадаўняй Літвы». Залі палацаў і пабаў чакаюць іх.

7127 / 0
31.03.2014
Адпусьці

Адпусьці

Гурт BosaeSonca выдаў другі альбом цягам году і зацьвердзіў статус адной з самых цікавых камандаў на сучаснай беларускай сцэне.

4871 / 0
24.03.2014
list

list

Трыё актораў Купалаўскага тэатру ўзяла ў падмацоўку жывую рытм-сэкцыю, каб стварыць адзін з самых магутных і рамантычных альбомаў 2013 году ў беларускай музыцы.

Тэгi: ili-ili
5836 / 0
27.02.2014
Мы застанемся

Мы застанемся

У назьве новага альбому берасьцейцаў закладзена іхняя пазыцыя — яны застаюцца тут і цяпер, з сваёй музыкай і мовай. Рук не апускаюць, у чужую краіну не зьяжджаюць ды працягваюць ствараць новыя песьні, хутчэй насуперак, чым дзякуючы абставінам.

Тэгi: Sciana
7048 / 1
30.01.2014
Варанок

Варанок

Вайцюшкевіч і Бураўкін стварылі іншую рэчаіснасьць, у якой крымінальнікі, шулеры, прайдохі, рызыканты карыстаюцца беларускай мовай і ёсьць, па сутнасьці, асобамі шляхетнымі, што з волі лёсу апынуліся ў неспрыяльных абставінах.

5977 / 1
30.12.2013
Santa Maria

Santa Maria

Кожная новая праца гурта «Стары Ольса» — падзея для беларускай музыкі надзвычайная. Гэтыя музыкі капаюць грунтоўна ды ўдыхаюць новае жыцьцё ў забытыя творы. Роўных ім у інтэрпрэтацыі музыкі даўніх часоў у нас проста няма.

7983 / 0
29.11.2013
Д.П.Б.Ч.

Д.П.Б.Ч.

Слухаць новы дыск N.R.M. няпроста, нават трохі няёмка. Такое ж адчуваньне было пры знаёмстве з альбомам «Па-над дахамі» 18-гадовай даўніны, які запісаў гурт ULIS па сыходзе вакаліста і тэкставіка. Сякерай высечаныя тэксты дагэтуль не-паэта і здушаны голас дагэтуль не-вакаліста гурта, калючыя аранжыроўкі ды агульная атмасфэра неўладкаванасьці.

Тэгi: N.R.M.
5144 / 2
24.10.2013
Пазаўчора

Пазаўчора

Тое, што выконвае гурт «Кашлаты Вох» карціць назваць не калгасным - вясковым панкам. Музыкі даводзяць, што такім і павінен быць панк-рок з нацыянальным калярытам, які мусіў загучаць у Беларусі ну хоць бы ў 80-х, але заквітнеў толькі цяпер.

3819 / 0
24.10.2013
Ethno-fantasia

Ethno-fantasia

Калі б раптам у Торы Амас знайшліся беларускія карані, яна магла запісаць падобны альбом. Заснавальніца праекту Akana-NHS Ірэна Катвіцкай прадставіла свой першы сольны рэліз «Этна-фантазіі».

5607 / 0
24.10.2013
Жалуды

Жалуды

Гульцы на полі беларускамоўнай рэп-культуры існуюць па-за прасторай СМІ пад выдуманымі імёнамі і паводле канцэпцыі творчасьці ды праз уменьне трымацца асабняком ад навакольных зьяў нагадваюць бардаў. Канцэрты тутэйшыя рэперы не даюць, публікі сталай не маюць, вірусных ролікаў не здымаюць, мэрча не выпускаюць, але пры гэтым маюць што сказаць.

7650 / 0
24.10.2013
Czornaja Panna

Czornaja Panna

Гурт Litvintroll запісаў выдатны альбом, які сьмела можна заносіць у галоўныя здабыткі нашага цяжкага року. «Чорная Панна» прысьвечана памяці басіста гурта Алега Клімчанкі, які загінуў на сцэне падчас канцэрту незадоўга да выхаду праграмы.

Тэгi: LitvinTroll
4227 / 0
24.10.2013
Караблі

Караблі

У сваім новым альбоме «Караблі» Вольга Акуліч і яе праект «Верасень» робіць спробу адыйсьці ад апастылага ды малаактуальнага на сёньня жанру самадзейнай аўтарскай песьні ў бок рок-гучаньня.

6541 / 0
24.10.2013
Zalaty

Zalaty

На дыску «Zalaty» бачым цудоўнае пераўтварэньне заўсёднікаў бардаўскіх вечарынаў з малаўцямным рэпэртуарам у цалкам сьпелы паўнавартасны гурт зь цікавай лірычнай праграмай, багата аранжаванай і выкананай зь вялікім пачуцьцём.

4266 / 0
24.10.2013
Шчасьце

Шчасьце

Такая музыка, якую робіць Арцём Мід, мусіла б прадукавацца ў Беларусі тэрабайтамі. Але ў нас дагэтуль творы, скажам, Валіка Грышка 10-гадовай даўніны выглядаюць на адкрыцьцё на фоне таго, што адбываецца на беларускай сцэне.

5616 / 0
24.10.2013
Cristatus

Cristatus

Можна толькі вітаць імкненьне музыкаў з гурта Pawa да экспэрымэнтаў па стварэньні электроннай музыкі зь мясцовым калярытам, хоць ня кожнаму яны могуць падасца своечасовымі ды актуальнымі. Сапраўды, часам бывае адчуваньне, што слухаеш электронныя напрацоўкі як максымум канца XX стагодзьдзя і нечага ў іх не стае, каб назваць тое, што гучыць з дынамікаў, музыкай нашых дзён.

Тэгi: Pawa
5035 / 1
24.10.2013
Martin S.

Martin S.

Амбітных менскіх музыкаў Martin S. можна сьмела назваць самым старанным гуртом году, хаця б за тое, што яны пайшлі на рэдкія для беларусаў піяр-захады, стварылі сацсетачнага пэрсанажа ды выклалі ў сеціва каляровыя сынглы. Засталося яшчэ вывесьці зь ценю гітарыста, які і праўда падобны да Джастына Бібэра.

Тэгi: Martin S.
5529 / 0
24.10.2013
Pastka

Pastka

Amaroka – тая самая маладая шпана, якая годна падхапіла сьцяг сапраўднага беларускага року ад старэйшых калегаў. На лаўры гурта пакаленьня яны пакуль прэтэндаваць наўрад ці здольныя, але захапіць сваім бачыньнем сьвету цалкам могуць.

Тэгi: Amaroka