Сонца над Бабілёнам
3411 / 0
08.10.2015

«Ня варта». Губляць сябе (аўдыё)

Гурт «Ня варта» прадстаўляе ў аўдыёчарце на Tuzin.fm песьню «Сонца над Бабілёнам». Музыкі заклікаюць у ёй не ламацца пад ціскам сыстэмы.

«Сэнс песьні ў тым, што з часам большасьць людзей здраджвае самім сабе. З узростам ціск грамадзтва на асобу ўзмацняецца. Таму шмат хто ламаецца і становіцца паслухмяным і „правільным“. Іншыя сьпіваюцца, губляюць сябе цалкам. Астатнія становяцца псамі сыстэмы», — кажа вакаліст мазырскага панк-гурту Хведар Крокус. Песьня «Сонца над Бабілёнам» — адзін з самых яскравых нумароў з новага альбому гурта «Трываць…», які пабачыў сьвет увесну 2015 году. Музыкі выконвалі яго і раней, калі іх гурт зваўся Alloff.

«Гэта песьня размова зь сябрам, з адным з тых, хто застаўся сабе верным. Сядзім, гамонім і ўспамінаем, як жылі і што атрымалі, — працягвае Хведар. — Але ў ёй ня толькі туга па мінулым, а яшчэ і матывацыя для тых, хто сёньня з намі: губляць сябе ня варта». Словы і музыку да «Сонца…» музыкі гурта напісалі ўсе разам. Гэтак жа, як і большасьць сваіх сьпеваў за рэдкім выключэньнем (у іх рэпэртуары ёсьць кавэр на Ігі Попа і песьня на словы Рыгора Барадуліна).

Сачыць за навінамі гурта можна праз афіцыйную суполку.

Ня варта — Сонца над Бабілёнам (музыка і словы гурта). Зьмяшчаецца са згоды выканаўцы.

Tuzin.fm

Сонца над Бабілёнам

Давай успомнім былыя часы,

Калі мы побач ішлі па жыцьці,

Сьпявалі песьні любові й пратэсту,

І верылі вось яно наша месца.

Рэф:

Сонца ня сьвеціць над Бабілёнам 

Ну а сёньня што нам засталася?

Колькі нашых хлапцоў пасьпівалася?

Колькі трапіла ў палон да сыстэмы?

Банкаўскіх крэдытаў ды іншых праблемаў.

Рэф.

Сябар дзяцінства пройдзе міма,

У шэрай форме, як гэта «міла»,

Жыцьцё ўсё паставіць на месцы,

Які шчэ панк-рок? Якія пратэсты??

Тэгi: