Белыя крылы
2564 / 0
25.03.2019

Zatoczka — каманда пад «белымі крыламі» (прэм’ера)

Магілёўскі гурт Zatoczka прэзэнтуе на TuzinFM новы сынгл «Белыя крылы». Музыкі прымеркавалі прэм’еру да Дня Волі.

Новая песьня ад «Заточкі» — надзвычай лірычная і пяшчотная. «Яна пачынаецца з радкоў пра цёплы вясновы дзень. Менавіта такім мне бачыцца каханьне — прыветным, чыстым і сонечным», — кажа лідэр каманды Макс Астравухаў. На вокладцы сынглу зьмешчаная праца мастачкі Марыны Палагуты. Сама аўтарка кажа, што ўсе людзі заслугоўваюць каханьня, нават хлопец зь бітаю і ў падцяжках. Гэтая карціна выстаўленая ў дзяржаўнай галерэi iмя Вашчанкі ў Гомелi.

Гэтай песьняй музыкі віншуюць слухачоў з Днём Волі: «Давайце ўшаноўваць і паважаць нашую Краіну — краіну пад белымі крыламі. Нашая задача перадаць наступнаму пакаленьню моцную дзяржаву!» — кажуць музыкі.

Zatoczka цяпер запісвае новыя трэкі для свайго другога альбому, а таксама рыхтуецца да жывых выступаў. Найбліжэйшыя — на магілёўскім сходзе футбольных фанатаў у красавіку, на сьвяткаваньні 30-годзьдзя фанацкага руху ў Гомелі ў траўні, канцэрт у Кіеве ў чэрвені.

TuzinFM

Zatoczka — Белыя крылы (музыка гурта, словы Макса Астравухава)

 

Цёплы вясновы дзень

Усьмешкай дзялюся сваёй

Сёньня самы шчасьлiвы

Я сустрэўся з табой

I ты рэальна, i я жывы

Я ведаю, мы будзем любiць

Раптам ператварымся ў сьнег

I будзем у вокнах кружыць

 

Па-над белымi крыламi горад мой

Па-над белымi крыламi мы з табой

Гэта цуд мы лятаем, кроплi сонца шукаем

О-о-о-о-о

 

Вiтаю мой чалавек

Калi мы з табой удваiх

Мы сьветам валодаем цалкам

Жывыя сярод жывых

Мы проста гуляем, марым, чакаем

Напэўна вучым любiць

А можа ў сонца ператварымся

I будзем усiх будзiць

 

Па-над белымi крыламi горад мой

Па-над белымi крыламi мы з табой

Гэта цуд мы лятаем, кроплi сонца шукаем

О-о-о-о-о