Поўны расклад вялікага канцэрту «Re:Песьняры» ў Re:Public
2951 / 4
11.09.2014

Поўны расклад вялікага канцэрту «Re:Песьняры» ў Re:Public

12 верасьня ў клюбе Re:Public адбудзецца вялікі канцэрт удзельнікаў праекту «Re:Песьняры». Вядучыя беларускія музыкі сыграюць свае найлепшыя песьні і свае вэрсіі твораў славутага ансамблю, якому споўнілася 45 гадоў.

Канцэрт будзе доўжыцца ля 4 гадзінаў. Распачне яго Зьміцер Вайцюшкевіч з кампаніяй. Гэта будзе першы афіцыйна дазволены выступ выканаўцы за апошнія некалькі гадоў. Кожны з выступоўцаў прадставіць ужывую трэк, падрыхтаваны для праекту «Re:Песьняры», а таксама сыграе абраныя творы з свайго рэпэртуару. Чакаецца шмат прэм’ераў і сюрпрызаў! Адмысловым госьцем імпрэзы станецца беларускі дзяржаўны ансамбль «Песьняры», які рыхтуе да канцэрту дынамічны сэт з найлепшых гітоў за 45-гадовую гісторыю. Весьці канцэрт будзе лідэр гурта «Палац» Алег Хаменка, які разыграе прызы ад арганізатараў праекту — парталу Tuzin.fm, грамадзкай кампаніі «Будзьма беларусамі!» і фонду «Вяртаньне».

 

Расклад канцэрту:

18:10 Зьміцер Вайцюшкевіч і кампанія

18:40 Сяргей Пукст

19:10 SP Kava пры ўдзеле Angst

19:30 Tonqixod

20:00 Pomidor/off

20:30 «Песьняры»

21:00 Akute

21:30 Naka

11 верасьня — апошні дзень перадпродажу, калі квіткі каштуюць па 100 000 (танцпляц) і 130 000 (столік). На танцпляц квіткі можна набыць у клюбе «Графіці», у касе клюбу Re:Public і он-лайн, у касах Kvitki.by і он-лайн. Квіткі на столікі можна набыць толькі праз сайт Kvitki.by.

У дзень канцэрту квіткі ў касе Re:Public будуць каштаваць 120 000 (танцпляц) і 150 000 (столікі, калі застануцца).

З канцэрту будзе весьціся жывая трансьляцыя на Youtube, якую ладзіць беларуская служба «Радыё Свабода».

Tuzin.fm  

КАМЕНТАРЫ:

  • Olga / адказаць
    14.09.2014 / 18:16

    Гук быў дрэнны, акрамя Песняроў - у іх быў свой гукааператар. А штатны гукапер толькі у смартфон глядзеў, зусім не цяміць...Шкада

  • Maximka Субоч
    Maximka Субоч / адказаць
    15.09.2014 / 00:16

    Смартфон, спадарыня, здаецца быў падключаны да лічбавой мікшэрнай кансолі. Тэхналогіі).
    Але, аб'ектына кажучы, так - гук быў даволі размазаны.

  • Данута Данута
    Данута Данута / адказаць
    16.09.2014 / 23:39

    Згодна, гук быў ніякі...Супярэчлівае атрымалася ўяўленне ад канцэрта.Нешта спадабалася, нешта зусім не...Песняры, Вайцюшкевіч на выдатна. Akute раней чула, падабалася..., а на гэтым канцэрце нешта было не так.

  • Polina Turuntaeva
    Polina Turuntaeva / адказаць
    21.09.2014 / 17:42

    Калi б не ведала слоў, нават i не зразумела бы аб чым пяюць. Вельмi дрынны гук, моцна сапсаваў уражаннi.Трэба нешта рабiць, пляцоўка увогуле някепская

  • КАМЕНТАВАЦЬ