Сокалаў-Воюш запісаў на cваё 57-годзьдзе «Баляду пра Ўсяслава» (прэм’ера)
2860 / 0
17.10.2014

Сокалаў-Воюш запісаў на cваё 57-годзьдзе «Баляду пра Ўсяслава» (прэм’ера)

Знаны беларускі бард адсьвяткаваў 16 кастрычніка свой дзень народзінаў.

Акурат на свой дзень народзінаў Сяржук Сокалаў-Воюш прадставіў новую песьню. Яна завецца «Баляда пра Ўсяслава». Гаворка ў ёй ідзе нібы пра падзеі сівой даўніны, але можна правесьці паралелі і з нашым часам. Сёлета ў сакавіку музыка прадставіў на Tuzin.fm свой твор «Крым», напісаны пад уражаньнем ад падзеяў ва Ўкраіне.

Сокалаў-Воюш лічыцца адным з пачынальнікаў беларускамоўнай плыні ў аўтарскай песьні. Сьпявае з канца 70-х, стварыў багата твораў, якія ўжо можна лічыць клясыкаю, як «Аксамітны летні вечар», «Фронт», «Нефармальны беларус» ды іншыя. Ён актыўна стварае новыя песьні, але выдаваць іх у выглядзе альбому не сьпяшаецца. Апошні дыск выканаўцы выйшаў восем гадоў таму.

Tuzin.fm віншуе выканаўцу з днём народзінаў і зычыць яму далейшага плёну.

Tuzin.fm

за тры месяцы