Міхалок упершыню публічна загаварыў па-беларуску і прэзэнтаваў шчымлівую песьню (відэа)
2694 / 0
05.02.2015

Міхалок упершыню публічна загаварыў па-беларуску і прэзэнтаваў шчымлівую песьню (відэа)

Лідэр гурта Brutto прысьвяціў твор «Родны край» свайму сыну Макару.

Новая кампазыцыя Міхалка поўная болю і роспачы. Яна надзвычай шчырая і шчымлівая: «Гані мяне прэч, я попел ды сьмецьце. Родны, родны, родны ланцуг, даві мяне больш, я шэры пацук. Родны, родны, родны край, я люты здраднік, мяне пакарай», — пяе Сяргей пад адну акустычную гітару, зазіраючы ў толькі што напісаны тэкст. Адметна, што перад выкананьнем ён прамаўляе па-беларуску, прысьвячаючы песьню свайму сыну Макару.

Ня так даўно Міхалок прыняў рашэньне пераехаць ва Ўкраіну. У Беларусі яго творчасьць знаходзіцца пад забаронай. Жонка музыкі вядомая беларуская акторка Сьвятлана Зелянкоўская разам з сынам Макарам зьбіраецца таксама перабрацца да яго.

Tuzin.fm, фота адсюль