Клюб «Графіці» заклікаў мастакоў размаляваць завулак Калініна (конкурс!)
2062 / 1
07.05.2015

Клюб «Графіці» заклікаў мастакоў размаляваць завулак Калініна (конкурс!)

Паб-клюб «Графіці» абвесьціў конкурс на росьпіс сьценаў і агароджаў на завулку Калініна ў Менску.

«Мы любім стрыт-арт і мы хочам, каб наш завулак быў ня шэрым, а радасным. Каб сюды адмыслова прыяжджалі людзі, каб на яго зірнуць і пафоткацца», — сказаў у камэнтары для Tuzin.fm кіраўнік клюбу «Графіці» Мікалай Маторын. Графітыстам, мастакам і стрыт-артэрам прапануцца паўдзельнічаць у конкурсе на росьпіс сьценаў і агароджаў на завулку Калініна, дзе і месьціцца клюб. З аднаго боку там знаходзяцца гаражы, а з другога завод, і выглядае завулак сапраўды змрочна. Дазвол на гэтую творчую акцыю быў атрыманы ў аддзеле культуры Першамайскага раёну Менску. Чыноўнікі разам з творчай камандай клюбу будуць разглядаць і зацьвярджаць эскізы.

Акцыя бестэрміновая — сьценаў для графіці хапае. Свае заявы можна дасылаць на адрас клюбу праз усе спосабы камунікаваньня.

Tuzin.fm

КАМЕНТАРЫ:

  • RWD / адказаць
    10.05.2015 / 00:28

    Яшчэ б ініцыявалі перайменаваньне самога завулку, было б зусім цудоўна, напрыклад, у завулак Джона Ленана.

  • КАМЕНТАВАЦЬ

за тыдзень
за тры месяцы