Кіраўніцтва бару «ДК» заявіла пра спыненьне дзейнасьці
1704 / 1
19.10.2015

Кіраўніцтва бару «ДК» заявіла пра спыненьне дзейнасьці

У Менску будзе на адну клюбную пляцоўку менш. 1 лістапада бар «ДК» спыняе сваю дзейнасьць.

Паведамленьне пра закрыцьцё бару зьявілася на афіцыйнай старонцы пляцоўкі. «З 1 лістапада 2015 году бар ДК спыняе сваё існаваньне. На гэта ёсьць пэўныя прычыны, пра якія мы распавядзем па хуткім часе. Калі ласка, пастаўцеся з разуменьнем да нашага рашэньня. Мір! Павага! І крышачку суму», — вядзецца ў паведамленьні. Аніякіх іншых тлумачэньняў адміністрацыя пляцоўкі пакуль не дае. Адзін з заснавальнікаў пляцоўкі Лявон Халатран паведаміў Tuzin.fm адно толькі, што не вядзецца пра пераезд ці адкрыцьцё новага месца.

Бар «ДК» прапрацаваў крыху больш за год. Ён адчыніўся ў 2014 годзе на трэцім паверсе будынку па вуліцы Талбухіна, 4. Раней у гэтым месцы знаходзіліся «Rocker Bar» і Jolly Roger Cafe. У бары ДК прайшло мноства канцэртаў беларускіх выканаўцаў. Тут выступалі гурты Trubetskoy, Navi, Shuma, праводзіўся адбор на фэстываль «Бардаўская восень», ладзіліся кінапаказы і літаратурныя імпрэзы.

Tuzin.fm

Тэгi:

КАМЕНТАРЫ:

  • 12tuzin@gmail.com / адказаць
    23.10.2015 / 18:26

    Зьвіліся тлумачэньні заснавальнікаў ДК адносна закрыцьця пляцоўкі:
    https://irl.by/people/dk-2.html

  • КАМЕНТАВАЦЬ

за тыдзень
за тры месяцы