Удзельнікі Earworm заснавалі новы гурт — Morning Slide (аўдыё)
1462 / 0
09.09.2016

Удзельнікі Earworm заснавалі новы гурт — Morning Slide (аўдыё)

Гарадзенцы разьвіталіся альбомам «Last Cocktail» і цяпер пачынаюць з чыстага аркушу.

«Мы не сварыліся, адносіны між намі выдатныя. Проста вырашылі закрыць праект. Па музычных прычынах, бо ня далі рады знайсьці дастойную замену нашай старой музычнай ідэі», — паведаміў Tuzin.fm заснавальнік Earworm Андрэй Куцко. На разьвітаньне хлопцы выдалі на лэйбле «Пяршак» свой апошні альбом «Last Cocktail».

«Мы запісалі гэты дыск, бо зьявілася прыстойнае месца ў Горадні, дзе гэта можна зрабіць — студыя „Нёман“. Па-другое, калі не хітраваць, то новы матэрыял з нашых пошукаў атрымліваўся выдатным і прасіўся быць зафіксаваным. А па-трэцяе, хацелася проста прыгожа разьвітацца», — распавядае Андрэй.

Яны працягнуць свае пошукі пад новай шыльдай і ўжо безь віялянчэлі, утрох. Сачыць за навінамі новага гурта Morning Slide можна праз афіцыйную суполку.

Яшчэ: «Бурштынавы шлях» Earworm (аўдыё)

Tuzin.fm