Алесь Мікус прэзэнтаваў новы праект Eizva ў Дзень адзінства балтаў (прэм’ера)
2880 / 0
22.09.2016

Алесь Мікус прэзэнтаваў новы праект Eizva ў Дзень адзінства балтаў (прэм’ера)

Выканаўца кажа, што гэта рэінкарнацыя яго самага гучнага музычнага праекту «Крывакрыж».

Заяўляе пра сябе гурт Eizva трэкам «Дзень адзінства». Менавіта 22 верасьня ў Летуве і Латвіі адзначаюць Дзень адзінства балтаў. У апошнія гады да сьвяткаваньняў далучаюцца і беларусы, якія трымаюцца за балцкія карані. У гэты дзень запальваюць вогнішчы на курганах і гарадзішчах на знак пашаны да сваёй мінуўшчыны.

Свой новы праект Алесь Мікус называе рэінкарнацыяй гурта «Крывакрыж». «Толькі цяпер гэта будзе спакайнейшая, больш мэдытатыўная музыка. Першая песьня можа і не прадстаўляе тыповы будучы саўнд, але настраёвасьць перадае», — сказаў у камэнтары для Tuzin.fm музыка. Узімку гурт Eizva зьбіраецца прадставіць свой першы сур’ёзны рэліз.

Tuzin.fm, фота stigmata.name