Прэс-канферэнцыя «Культурны пратэст у Беларусі» адбудзецца 29 кастрычніка
186 / 0
28.10.2020

Прэс-канферэнцыя «Культурны пратэст у Беларусі» адбудзецца 29 кастрычніка

Канферэнцыя пройдзе ў анлайн-фармаце. На ёй удзельнікі абмяркуюць беларускі культпратэст і як Беларускі фонд культурнай салідарнасці дапамагае звольненым за грамадзянскую пазіцыю дзеячам культуры.

Апроч абмеркавання важных для беларускага культпратэсту момантаў, спікеры правядуць паралелі са сталінскімі рэпрэсіямі ў сімвалічны для гісторыі краіны дзень: у ноч з 29 на 30 кастрычніка 1937 года ў падвалах менскай турмы НКУС былі расстраляныя і пахаваныя ў Курапатах больш за 130 прадстаўнікоў беларускай інтэлігенцыі: літаратары, лекары, настаўнікі, грамадскія дзеячы, прадстаўнікі навукі і культуры. 

У Менску ж у гэты дзень традыцыйна пройдзе тэматычнае мерапрыемства ў Курапатах.

Спікеры прэс-канферэнцыі:

Зоя Белахвосцік — народная актрыса Беларусі, былая акторка Купалаўскага тэатра

Ганна Севярынец — настаўніца, пісьменніца, даследчыца беларускай літаратуры

Вольга Шпарага — філасофка, кандыдатка філасофскіх навук, прадстаўніца асноўнага складу Каардынацыйнага савета

Сяргей Будкін — журналіст, прадусар, адзін з лідараў Фонду культурнай салідарнасці 


Калі: 29 кастрычніка ў 15:00 (па беларускім часе)

Дзе: Zoom (анлайн)

Працягласць: 1 гадзіна 

 

Рэгістрацыя праз гугл форму: тут 

за тыдзень
за тры месяцы