1935 / 0
01.04.2014

Сьпявала на Геніюш, здымаецца ў Тымаці (аўдыё і фотасэсія Lil Boo)

Цёмнаскурая беларуска Тэрэза Дзіўра cтала мадэлькаю і акторкаю ў трэп-кліпах.

Тэрэза (Lil Boo) вядомая з пранікнёнага выкананьня песьні «Не пішы мне болей», створанай паводле верша Ларысы Геніюш рэпэрам Вожыкам. Гэты дуэтны твор перамагаў у чарце на «Тузіне Гітоў» увесну 2011-га і некалькі тыдняў трымаўся ў лідэрах.

Цяпер дзяўчына жыве ў Маскве, робіць кар’еру сьпявачкі, працуе мадэлькаю і акторкаю, здымаецца ў часопісах ды ў кліпах артыстаў з лэйблу Тымаці. Таксама піша вершы. «Мой бацька з Абіджану, што ў заходняй Афрыцы. А я нарадзілася і вырасла ў Менску і менавіта Менск для мяне зьяўляецца радзімай», — заявіла Тэрэза ў адным з інтэрвію.

Tuzin.fm, фота са старонкі Тэрэзы Дзіўры