2882 / 0
06.05.2014

T-Trider і Andre Karp заснавалі праект «TAK» (аўдыё)

Першы сынгл новага праекту створаны пад натхненьнем ад чэмпіянату сьвету па хакеі-2014, што праводзіцца ў Беларусі.

Праект «TAK» заснаваў адзін з самых аўтарытэтных беларускіх электроншчыкаў T-Trider (Віталь Пушчын) і Andre Karp (Андрэй Карповіч), вядомы як лідэр гуртоў «Млын», Krona, Parason. Супрацу яны яшчэ пачалі ў часы, калі ў Менску існаваў клюб NC, які славіўся фэст «Сыстэма электроннага шаленства». Але да паўнавартаснай студыйнай супрацы справа дайшла толькі ў 2012 годзе, калі Віталь з Андрэем запісалі трэк «Футбол — гэта сур’ёзна!». Канчаткова праект пад назвай «ТАК» сфармаваўся сёлета.

Музыкі кажуць, што ў іх багата матэрыялу, але прадстаўленьне вырашылі пачаць з трэку «Рыцары хакея», бо ў Менску якраз пачынаецца чэмпіянат сьвету па хакеі. Хлопцы кажуць, што спрабавалі стварыць сваеасаблівы гімн сучаснаму спорту ды натхніць усіх сваіх слухачоў зацята заўзець за Беларусь.

Tuzin.fm

за тыдзень
за тры месяцы